暑 假 加 時 完 了

讀了廿多年書，畢了無數次業，今次的暑假真的是人生最後的一個，下一次將會是四十年後退休了。

數碼港不愧為數碼港，真的很靚，不過只不過是以前的公司的大廈太舊了。今次大機構，但香港部就只有八人，而各同事也好好，公司設備很新和豪！交通方面還可以，每天也是乘搭綠巴直達；午餐方面，有幾間餐廳／茶餐廳／foodcourt，價錢比市區再要貴十至二十元左右。

當然不會在這裡講太多，我不想連路人甲知道我是誰，這個社會太複雜了。

迷 幻 號 忙 命 Van

忙命van，相信各位都坐過唔少，但迷幻號忙命van又坐過未呢？

話說尋晚送完小女子歸家後，小弟唔係好想坐廿幾個站既地鐵返歸，所以就走去福來邨後面搭忙命van。上次搭都係成年幾前既事，果次兩點幾坐廿分鐘出到銅鑼灣，成120km/h行西九龍天橋，駕駛技術之高超令小弟深感敬佩，只因司機把豐田石油氣小巴之極限發揮得淋漓盡致。

今次就... 首先等車已用了十分鐘。正當小弟想離開之際，一輛迷幻藍光小巴駛至，小弟心想：今次一定又破荃灣-銅鑼灣圈速了！上車後發覺司機位周圍都被小量藍光包圍（對，只是數條鴨記藍光管罷了）開車時已覺得不妙了，車上只有五丁友！五丁友＝坐唔滿，所以要經大窩口、葵興及葵芳！司機大佬係一名廿多三十歲中國籍迷幻男，全程不斷從複做以下動作：打電話、講電話、笑、講walkie、上半身典來典去、聽慢了十年的流行歌（例如老黎的su-su-sugar in the marmalade等）。上高速公路後，還以為他會忙命去，點知... 70就行72，有時行76，最快最快行81，終於知道點解佢要典來典去啦，因為行得唔快飄移唔到所以就自己坐係到飄移！明白了！

出西隧後見到了一單交通意外：小巴的士相撞，的士車頭嚴重損毀，小巴好似無事。當然迷幻司機又係walkie同D行家吹水報料，順便話自己技術好唔會撞啦！

就係禁，聽歌既聽歌，講電話既講電話，出到銅鑼灣了。真的破了圈速呀... 四十分鐘呀！真的他媽的！

對，到了銅鑼灣後，我是坐地鐵回家的..............（下刪九千字)

識 飲 識 食 之 越 南 篇

星期六，陰。

打唔成風後，本週末同小女子走到太古城寧字平台地下之越南菜館發洩一下。其實都唔係第一次黎架啦，所以都知道有D咩野好食同知道（除lunchtime外，全年不用排隊等位）。



蒜蓉炒芥蘭， $35， 一般啦， 都可以入口既。



燒豬頸肉撈檬，$32，豬頸肉係魚露浸左一兩個字都仲脆，不俗。



酸辣炒青口，$52，又唔酸又唔辣，青口有少少怪味，令我諗起係英國騙鬼佬的sweet 'n sour系列。



越南炸春卷，$28，脆，但料不合廣東飲茶的好味，整體還可以。

另叫了一杯椰汁紅豆冰及龍眼冰，各$13，不寫了。

兩個人$196，ok啦，都食到很飽。

－－－－－－－－－－
東峴越南軒
太古城太裕路3號順安閣地下G512-513號鋪
2569 7928
－－－－－－－－－－